RECURSOS PARA A AULA

-         

Neste apartado do blog farei referencia a libros que considero que poden ser de utilidade para traballar a educación emocional con nenos e nenas de Educación Infantil ou Primaria. Primeito citarei libros que poden de servir de orientación para calquera adulto que queira traballar as emocións á vez que conta un conto. Logo cito algúns contos infantís que nos poden servir a todos nós nun futuro cando sexamos mestres e queiramos darlle a importancia que merecen ás emocións. 

Nuñez, C., Romero, R. (2013). Emocionario. Madrid: Palabras Aladas.

Título: Emocionario. Di lo que sientes.

Autor:

Editorial: Palabras Aladas

Ano de publicación: 2013

Páxinas: 92

O Emocionario describe dun xeito sinxelo e claro corenta e dous estados emocionais. Este libro paréceme moi apropiado para tratar cos máis pequenos e pequenas as emocións, coa finalidade de que aprendan a identificalas, sexan capaces de poñerlle nome e poidan expresarse cando o precisen. Este libro pode ser unha guía ou un apoio pedagóxico para ir tratando as diferentes emocións segundo vaian xurdindo na aula. Algunhas das emocións das que se falan son: ternura, amor, odio, ira, irritación, tensión, alivio, serenidade, felicidade, alegría, tristeza, compasión, remordemento, culpa, medo, asombro… Como se pode observar nas escolas infantís, en poucas ocasións se abrangue un abanico tan amplo de emocións. Tratalas todas axudará aos alumnos e alumnas a coñecerse moito mellor.

Varcárcel. R., Núñez. C,. (2014). Manual para soñar. Entrénate para soñar. Madrid: Palabras Aladas.

Título: Manual para soñar. Entrénate para soñar.

Autor: Cristina Núñez Pereira e Rafael Romero Valcárcel

Editorial: Palabras Aladas

Ano de publicación: 2014

Páxinas: 80

Neste libro cóntase a historia de 28 persoas que teñen cousas en común: un gran soño que ocupou as súas mentes e os seus corazóns durante a infancia e que finalmente se fixeron realidade.

Partindo das historias contadas no libro e facendo preguntas aos nenos e nenas podemos averiguar cal é o seu soño que lles fará vivir ilusionados e de que xeito os poden acadar. Isto permitiranos coñecelos mellor e facerlles ver que respetamos os seus soños e os apoiamos e incentivamos para acadalos.

Varcárcel Romero. R., Núñez Pereira. C. (2014). Valores de Oro. Entrénate para soñar. Madrid: Palabras Aladas.

Título: Valores de Oro. Entrénate para soñar.

Autor: Cristina Núñez Pereira e Rafael Romero Valcárcel

Editorial: Palabras Aladas

Ano de publicación: 2014

Páxinas: 80

Neste libro cóntase a historia de once futbolistas de diferentes xeracións e fai referencia as súas calidades, que lle fixeron posible acadar os seus soños. De cada persoa valóranse tanto calidades físicas, como la resistencia; do carácter, como a paciencia… Unhas que son máis visibles, como a creatividade e outras que pasan máis desapercibidas, como a sinxeleza e a humildade. Considero que con este libro podemos traballar as calidades propias, analizar a nosa propia personalidade e compartir a visión que temos dos demais, tratando de ver sempre o positivo. Esta actividade suporá unha inxección de autoestima para os pequenos e pequenas.


Ibarrola, B. (2003). Cuentos para sentir. Educar las emociones. Madrid: SM.

Título: cuentos para sentir. Educar las emociones. 

Autor: Begoña Ibarrola

Editorial: SM

Ano de publicación: 2003

Páxinas: 302

Ibarrola, B. (2003). Cuentos para sentir (II). Educar las emociones. Madrid: SM. 

Título: Cuentos para sentir. Educar las emociones

Autor: Begoña Ibarrola

Editorial: SM

Ano de publicación: 2003

Páxinas: 302

Estes dous libros son unha recopilación de contos para que o neno poida desenvolver a súa intelixencia emocional. Os contos están clasificados polos diferentes sentimentos en torno aos cales xira a historia e están contados de forma sinxela para que tanto pais como Mestres poidan transmitilos fácilmente aos nenos.

Estes son un bo recurso para traballar a intelixencia emocional cos pequenos e pequenas, tanto na aula como na casa. 

Llenas. A. (2012). El monstruo de colores. Barcelona: Flamboyant.

Título: El monstruo de colores

Autor:  Anna Llenas

Editorial: Flamboyant

Idade: a partir de 4 anos

Ano de publicación: 2012

Páxinas: 40

Este conto paréceme un recursos didáctico interesante para familiarizar aos pequenos e pequenas coas emocións e axudarlle a diferencialas. O monstruo de cores ten un lío enorme e non sabe que é o que verdadeiramente lle pasa. Coa axuda dunha nena, descubre que se separa e clasifica as emocións sentirase moito mellor. O que fai este monstruo é asociar cada emoción a unha cor e logo introducilo nun bote, desde xeito aprende a diferenciar a rabia, a tristura ou a alegría entre outras emocións. 

Despois da lectura deste conto, pódese realizar unha actividade semellante co alumnado de xeito que eles tamén asocien emocións a situación e cores concretas, para logo gardalas en botes.




McBratney, S. (2010). Adivina cuánto te quiero. Madrid: Kókinos. 

Título:Adivina cuánto te quiero

Autor:  Sam McBratney

Editorial: Kókinos

Idade: a partir de 3 anos

Ano de publicación: 2010

Páxinas: 40

Ás veces, cando queremos a alguén moito intentamos atopar o modo de describir o tamaño dos nosos sentimentos. Esta historia dá pe a falar do amor que sentimos polas outras persoas e é un recurso interesante para traballar esa emoción. 

Liao, J. (2010). Esconderse en un rincón del mundo. Madrid: Barbara Fiore Editora.

Título: Esconderse en un rincón del mundo

Autor:  Jimmy Liao

Editorial: Barbara Fiore Editora

Idade: a partir de 6 anos

Ano de publicación: 2010

Páxinas: 104

Todos queremos escondernos nun lugar do mundo onde ninguén nos vexa e esquecernos da realidade. Jimmy Liao nesta historia fai alegato aos soños infantís e dalle a importancia que merecen. Considero que pode ser un libro interesante para falar dos soños dos pequenos e pequenas e coñecer un pouco máis a súa personalidade.

Tortosa, A. e Gutiérrez Serna, M. (2009). De otra manera. Madrid: Thule.

Título: De otra manera

Autor: Ana Tortosa e Mónica Gutiérrez Serna

Editorial: Thule

Idade: a partir de 8 anos

Ano de publicación: 2009

Páxinas: 28

Os medos, as tormentas, os pesadelos, as despedidas, as ausencias poden tomarse de outra maneira si se miran con outra luz, pódense superar se se cambia a forma de velos. Neste libro retrátase de forma conmovedora o proceso de maduración e crecemento dunha nena e penso que resultaría un recurso interesante para introducir na aula o tema dos medos máis común nas diferentes idades. É importante facerlles ver aos pequenos e pequenas que os adultos tamén temos medos e que é algo normal, que temos que tratar de superar para que non inferfiran na nosa vida diaria. 

Gil, C. (2009). La sonrisa de Daniela. Andalucía: Kalandraka.
 

Título: La sonrisa de Daniela

Autor: Carmen Gil

Editorial: Kalandraka

Idade: a partir de 5 anos

Ano de publicación: 2009

Páxinas: 40

Este é un relato repleto de figuras literarias que rebosa optimismo e alegría. Daniela irradia ganas de vivir aos seres alicaídos que se cruzan co seu sorriso voador, que se transmite a todos os animais que protagonizan esta fábula: o hipopótamo, o chimpancé, a elefanta, a avestruz e o chacal cambian complexos, mal humor, vida monótona, insensibilidade y discusións por unha nova actitude ante a vida, con autoestima, cariño, audacia, tenrura e simpatía.

Con este libro poderáselle transmitir aos nenos e nenas que as emocións se contaxian e que é moi positivo animar aos demais cando pasan por un mal momento.

Emberly, E. (2009). Monstruo triste, Monstruo feliz: un libro sobre sentimientos. Barcelona:Autor- Editor.

Título: Monstruo triste, Monstruo feliz: un libro sobre sentimientos.

Autor: Carmen Gil

Editorial: Autor- Editor

Idade: de 0 a 4 anos

Ano de publicación: 2009

Páxinas: 14

Neste libro desplegable, o lector atopará unha colección de inxeniosas máscaras que representan os diferentes humores e sentimentos que experimentan todos os monstruos e nenos e nenas. Este é un bo recurso para traballar o recoñecemento das emocións nas expresións faciais.

Liao, J. (2012). Soy feliz, no me preocupo. Madrid: Barbara Fiore.

Título: Soy feliz, no me preocupo

Autor: Jimmy Liao

Editorial: Barbara Fiore

Idade: a partir de 9 anos

Ano de publicación: 2012

Páxinas: 128                      

A un neno preocupábanlle moitas cousas ata que descubriu que en realidade non había moitas cousas polas que valera a pena preocuparse. Con este conto podemos falar cos alumnos e alumnas do que lles preocupa e facer balance entre todos os compañeiros e compañeiras se merece a pena estar constamente nun estado de preocupación ou se é mellor vivir a vida con calma e gozar de cada momento. 

D`Allancé, M.(2009). Vaya rabieta. Madrid: Corimbo.

Título: Vaya rabieta

Autor: Mireille d`Allancé

Editorial: Corimbo

Idade: de 0 a 4 anos

Ano de publicación: 2009

Páxinas: 32

Neste conto nárrase a historia de Roberto, que non tivo un bo día e está de mal humor.  O seu pai castígao na súa habitación. O neno sente que unha cousa terrible lle sae de dentro e quere romper todo o que está ao seu redor… os nenos poderán poñerlle nome a iso que sinte Roberto e poner exemplos de canto eles senten unha sensación similar. A lectura deste conto daranos pé a traballar a ira e a rabia. 

Voltz, C. (2008). ¡Yo no he sido! Andalucía: Kalandraka.

Título: ¡Yo no he sido!

Autor: Christian Voltz

Editorial: Kalandraka

Idade: a partir de 5 anos

Ano de publicación: 2008

Páxinas: 40

Nin vaca, nin burro, nin poliño, nin mosquito... Entón, ¿de quén era a culpa? Nesta divertida historia propónse unha reflexión sobre a culpa e pode dar pé na aula a falar cos cativos e cativas sobre esta emoción.

Paloma, D. (2003). Una medicina para no llorar. Barcelona: Edebé.

Título: Una medicina para no llorar

Autor: David Paloma

Editorial: Edebé

Idade: de 0 a 4 anos

Ano de publicación: 2003

Páxinas: 32

 

Neste conto nárrase a historia dunha nena que se chama Mar e que chora por calquera cousa e ninguén sabe o porqué. Os seus pais preocupados lévana ao médico e este explóraa co fin de atoparlle o mal. Cando lle toca os pés a rapaza comeza a rir e o médico escribe unha receta para curar á nena: cóxegas na pranta dos pes cada oito horas durante unha semana.  Esta é unha historia bastante divertida para facerlle ver aos pequenos e pequenas que non é malo chorar, sempre que se faga por algunha razón.